<$BlogRSDUrl$>

05 nóvember 2004


Að hlusta á bíóauglýsingar er góð skemmtun. Það þyrfti jafnvel stundum að hafa aðvaranir á undan þeim: "Eftirfarandi auglýsing er ekki við hæfi þeirra sem geta misst stjórn á vélknúnum ökutækjum af hlátri."

Ég var sumsé að keyra heim úr vinnunni í gær þegar ég heyrði auglýsinguna fyrir nýjustu myndina hans Jean-Jacques Annaud, Tvo bræður (lesist með tilfinningaþrunginni strigabíóbassarödd): "Ekkert gat komist upp á milli þeirra! (dramatísk þögn) Þangað til þeir voru skildir að!"

Jájá. Ég skil. Þeir voru sumsé óaðskiljanlegir. Þangað til þeir voru skildir að. Hummm. En það sem mig langaði að vita (þegar ég var aftur búinn að ná stjórn á bílnum): eftir að þeir voru skildir að, hvað gat þá komist upp á milli þeirra?
by Hr. Pez

This page is powered by Blogger. Isn't yours?

Weblog Commenting by HaloScan.com